Трет транснационален партнерски состанок

На 2-3 април 2025 година, партнерите од проектот „Креативни Сениори“ (CreaS) од Литванија, Бугарија, Северна Македонија, Италија и Шпанија се сретнаа во прекрасниот град Матера, Италија, на нивниот 3-ти транснационален партнерски состанок.

Главен фокус на состанокот беше Работниот пакет 4 - креирање на каталог на уметнички, занаетчиски активности, активности за рециклирање и реупотреба, прилагодени за постари лица. Врз основа на идеите генерирани за време на меѓународната обука во Шпанија, партнерите веќе започнаа со развивање на 15 интересни активности. Откако ќе бидат финализирани, тие ќе бидат пилотирани за време на “национални работилници” во секоја земја партнер, а потоа ќе бидат оценети за време на внатрешна евалуација.

Партнерите, исто така, разговараа за структурата и имплементацијата на овие национални работилници, осигурувајќи се дека се соодветни и значајни за постарите учесници.

Друг важен аспект од состанокот беше претстојната видео книга насловена како „Од креативни постари лица до креативни постари лица“. EDUPRO ги претстави првите визуелни концепти на видео книгата и каталогот, нудејќи увид во тоа како тие ќе бидат прикажани на проектната веб-страна.

Дополнително, се споделија информации за:

• Обезбедување на квалитет на проектот

• Дисеминација

• Планови за мултипликативни настани, локални изложби и дигитална изложба на ниво на ЕУ

• Подготовки за завршниот транснационален состанок во Северна Македонија

Следете не на Фејсбук: https://www.facebook.com/profile.php?id=61560107964072