CreaS – транснационален проектен состанок 4

Четвртиот транснационалнен проектен состанок во рамки на проектот CreaS се одржа во Северна Македонија, обединувајќи ги сите партнери за да разговараат за завршните активности од имплементацијата на проектот.

Главен фокус на состанокот беше Работен пакет 4 (WP4) – завршувањето на Каталогот и Видео-книгата. Партнерите го разгледаа досега постигнатиот напредок и разговараа за преостанатите чекори потребни за успешно финализирање на двата проектни резултати. Градејќи врз креативната работа развиена во претходните активности, тимот се согласи за конечната структура и содржина.

Друг важен дел од состанокот беше насочен кон Работен пакет 5 (WP5) – Дисеминација. Партнерите разменија идеи за тоа како ефективно да го промовираат проектот и неговите резултати, вклучувајќи ги и плановите за претстојните Мултипликаторни настани, локалните саеми/изложби и дигиталната изложба на европско ниво. Тие, исто така, разговараа за времето, содржината и форматот на овие настани за да се обезбеди дека ќе стигнат до широка и релевантна публика.

Дополнително, во дискусиите беа опфатени и други суштински аспекти како што се обезбедување на квалитет на проектот, одржливост и употреба на проектните резултати, како и план за вклучување на релевантни чинители.

Средбата обезбеди одлична можност за усогласување на сите завршни активности и обезбедување на успешно завршување на проектот.

За најнови информации следете не на Facebook: https://www.facebook.com/profile.php?id=61560107964072