Национални работилници во Бугарија

На 21ви, 22ри и 23ти мај, ARTIED ги организираше своите национални работилници за запознавање на постарите лица и едукаторите за возрасни со три активности од Каталогот и нивно тестирање. Претставените активности беа: „Украсување на стари картонски кутии и разгледници со употреба на стари копчиња, панделки или семиња“, „Изработка на театарски кукли од дрвени лажици“, „Изработка на кукли од стара облека“

Трите работилници собраа вкупно 23 учесници – постари лица и едукатори за возрасни, сите од малото гратче Антоново, регионот Трговиште. Настаните им овозможија на локалните жители да бидат активни, да ја истражат својата креативност и тимска работа и да откријат нови вештини кај своите пријатели и соседи.

Покрај вежбање на уметничките и занаетчиски вештини, учесниците научија за креативното рециклирање и реупотреба на материјали – како да преработат стари домашни предмети и употребени материјали во нови, живописни подароци за своите внуци или други членови на семејството и пријателите. Тие ги користеа своите креативни и моторни вештини за превиткување, лепење и украсување на стари картонски кутии и изработка на разгледници; ја применија вештината за рачно шиење, плетење и цртање за да создадат облеки, коса и изрази на лицето за дрвените лажици, претворајќи ги во уникатни театарски кукли; ги искористија своите кројачки и шивачки вештини за да направат тела и фантастични костуми за куклите од облека.

За време и по работилниците, учесниците беа охрабрени да ги споделат своите искуства и впечатоци од активностите и Каталогот. Сите учесници ја истакнаа важноста на ваквите локални активности, бидејќи им овозможуваат да се социјализираат и да се забавуваат со други возрасни. Некои од нив дури споменаа дека за нив било ново да научат како можат да ги искористат старите ткаенини, предива или копчиња што ги имаат дома, или лушпи од јатки, како кикирики или ф’стаци, за украсување на кутии или за изработка на играчки и кукли за своите внуци.

Посебна благодарност до: Општина Антоново, Локалниот клуб на пензионери и Туристичкиот информативен центар за поддршката, како и до членовите на Локалниот промотивен тим за помошта во организирањето на работилниците.

Каталогот можете да го најдете [тука].

https://www.creativeseniors.eu/catalogue-artsandcrafts

https://www.creativeseniors.eu/catalogue-recyclingandupcycling