Втор транснационален партнерски состанок

На 03 и 4 октомври, партнерите од VsI Edukaciniai projektai, Taller Baix Camp, Creativity and Educational Studio ARTIED, Asset Basilicata Camera di Commercio della Basilicata и ИРЗ Македонија се сретнаа во Софија, Бугарија на нивниот втор транснационален состанок.

Во текот на двата дена од состанокот, разговаравме за активностите на Компасот за тоа како да се вклучат постарите во креативните искуства за учење и во активности за претприемништво, кој е во последната фаза на подготовка и наскоро ќе биде достапен на проектната веб-страна.

Други теми на програмата беа формирањето на Локалните промотивни тимови во сите партнерски земји и претстојната обука на тренери, која ќе се одржи на почетокот на ноември во Шпанија.

Исто така, започнавме дискусии за Каталогот со уметнички и занаетчиски активности за рециклирање и реупотреба наменети за постари лица, на кои ќе работиме во текот на втората година од проектот.

Во фокусот на партнерите беа и обезбедувањето квалитет на резултатите од проектот, дисеминацијата на активностите и влијанието што очекуваме да го има со предложените материјали за настава и учење врз постарите ученици и едукатори за возрасни.